भक्तपुर, साउन २३ । काठमाडौं उपत्यकालगायत देशभरका नदीहरूमा जल सतह बढ्दो क्रममा रहेको छ । काठमाडौं उपत्यका बिसेस गरेर भक्तपुरको, कमलविनायक, सुर्यविनायक, नगरकोट र आसपासको क्षेत्रमा भारी वर्षाका कारण नदीहरूको जल सतह बढिरहेको छ ।
भारी वर्षापछि भक्तपुरको हनुमन्ते र मनोहरालगायत खोलाहरुमा जल सतह सतर्कता तहमा पुगेकोले ११ बजेसम्म नदी तटीय क्षेत्रहरूमा विशेष सतर्कता अपनाउन आग्रह गरिएको छ । नदी किनारको सडकबाट यात्रा गर्नेहरूले बिहान ११ बजे सम्म उच्च सतर्कता अपनाउन जल तथा मौसम विज्ञान विभाग बाढी पूर्वानुमान महाशाखाले आग्रह गरेको छ ।
