तपाईलाई भिटामिन बी १२ को कमी त छैन? यी लक्षणहरु थाहापाउनुहोस

काठमाडौं, साउन २२ । भिटामिन बी १२ को कमीले थकान, शरीर दुख्ने, रिँगटा लाग्ने, कमजोरी महसुस हुन्छ । कहिलेकाहिँ निद्रा पुरा भएन भने पनि बिहान शारीरिक रुपले थाकेका महसुस हुनाले कुनै पनि काम गर्न मन लाग्दैन ।

रिंगटा लागेको, शरीर दुखेको, कमजोरी महसुस भइरहेको र कुनै पनि काममा पूर्ण रुपले ध्यान दिन नसक्नु जस्ता लक्षण भिटामिन बी १२ को कमीका कारण हुन्छ । भिटामिन बी १२ को कमीले शरीरमा विभिन्न समस्या उत्पन्न हुन्छ ।

भिटामिन बी १२ कम हुँदा देखिने लक्षणहरु

शरीर दुख्नु ।
दिनभरी थकाइ लागिरहनु ।
टाउको दुख्नु ।
वजन तिव्र रुपले घट्नु ।
भोक नलाग्नु ।
बेहोस भए जस्तो लाग्नु, टाउको रिँगाउनु ।
मुटुको धड्कन तिब्र हुनु ।
कुनै पनि काममा मन नलाग्नु ।
एनोमियाबाट पीडित हुनु ।
यी लक्षणहरु भिटामिन बी १२ को कमीका कारण हुन्छ । यदि तपाईँ पनि यस्तो महसुस गर्नु हुन्छ भने नियमित रुपले डेयरी प्रोडक्ट, पनीर, अण्डा, चुकन्दर, दही, ब्रोकली, ओट्स, माछा, मासु आदिलाई आफ्नो खानपानमा समावेश गर्नु पर्छ ।