काठमाडौं, साउन २० । कृषि विकास बैंकले गत आर्थिक वर्षको चौथौ त्रैमाससम्मको वित्तीय विवरण सार्वजनिक गरेको छ । सार्वजनिक विवरण अनुसार कम्पनीको मुनाफामा आकर्षक सुधार देखिएको हो ।
बैंकले असार मसान्तसम्ममा ३ अर्ब ९ करोड ९३ लाख ३७ हजार रुपैयाँ खुद नाफा कमाएको छ । जुन अघिल्लो आर्थिक वर्षको तुलनामा ३९.२५ प्रतिशतले बढी हो । अघिल्लो वर्षको सोहि अवधिमा बैंकले २ अर्ब २२ करोड ५७ लाख ६५ हजार रुपैयाँ खुद नाफा कमाएको थियो ।
यस अधिमा आइपुग्दा कम्पनीको खुद ब्याज आम्दानी ३.३० प्रतिशतले घटेर ८ अर्ब ८ करोड ४ लाख रुपैयाँमा सीमित भएको छ । अघिल्लो आर्थिक वर्षको सोहि अवधिमा कम्पनीको संचालन नाफा ८ अर्ब ३५ करोड ५९ लाख रुपैयाँ रहेको थियो ।
त्यस्तै, संचालन नाफा २६.०७ प्रतिशतले बढेर ४ अर्ब ५४ करोड ४२ लाख १४ हजार रुपैयाँ पुगेको छ । अघिल्लो वर्षको सोहि अवधिमा कम्पनीको संचालन नाफा ३ अर्ब ६० करोड ४४ लाख रुपैयाँ रहेको थियो ।
समिक्षा अवधिमा कम्पनीको वितरण योग्य नाफा २ अर्ब ७१ लाख ५८ हजार रुपैयाँ छ । प्रतिसेयर लाभांश वितरण क्षमता १९.८९ प्रतिशत रहेको छ । साथै, चुक्तापूँजी १८ अर्ब ८८ करोड ४३ लाख रुपैयाँ, जगेडा कोष ४.५२ प्रतिशतले बढेर ११ अर्ब ७२ करोड ९७ लाख रुपैयाँ रहेको छ ।
यस अवधिमा कम्पनीको प्रतिसेयर आम्दानी २० रुपैयाँ ६२ पैसा र प्रतिसेयर नेटवर्थ २११ रुपैयाँ ६० पैसा छ ।
