काठमाडौं, साउन १९ । बेलायतको केन्द्रीय बैंक ‘बैंक अफ इङ्ल्यान्ड’ ले लगातार १४औं पटक ब्याजदर बढाएको छ ।
बैंकले बिहीबार ०.२५% विन्दुले ब्याजदर बढाएर ५.२५% पुर्याउने निर्णय गरेको हो । उक्त ब्याजदर विगत १५ वर्ष अर्थात सन् २००८ को फेब्रुअरी महिनायताकै उच्च भएको अन्तर्राष्ट्रिय सञ्चार माध्यमहरुले उल्लेख गरेका छन् ।
मुद्रास्फीति चाप बढ्न थालेपछि सन् २०२१ को डिसेम्बर महिनायता बैंक अफ इङ्ल्यान्डले निरन्तर ब्याजदर बढाउँदै आएको छ । बिहीबार ब्याजदर बढाएको लगातार १४औं पटक हो ।
यता, बेलायतको केन्द्रीय बैंकले आगामी महिनाहरुमा ब्याजदर थप वृद्धि हुन सक्ने पनि संकेत गरेको छ । मुद्रास्फीति दर अझै उच्च विन्दुमै रहेकाले ब्याजदर बढाउने क्रमलाई निरन्तरता दिइएको बैंक अफ इङ्ल्यान्डले जानकारी गराएको छ ।
यसअघि, सोही कारण देखाउँदै अमेरिकाको केन्द्रीय बैंक फेडरल रिजर्भ र युरोपेली युनियनको केन्द्रीय बैंकले पनि ब्याजदर बढाएका थिए ।
Published Date: 04 August 2023
