दोलखा, साउन १९ । दोलखामा बिहीबार रातिको पहिरोमा परी एक बालकको मृत्यु भएको छ भने तीन जना बेपत्ता भएका छन् । मृत्यु हुनेमा गौरीशंकर गाउँपालिका–७ टोपाटारका यज्ञबहादुर थामीका १५ महिनाका नाति रहेका छन् ।
गौरीशंकर गाउँपालिका–८ मा परेको अविरल वर्षाका कारण गौरीशंकर गाउँपालिका–७ मा पहिरो खसेको प्रमुख जिल्ला अधिकारी कमलप्रसाद धमलाले बताए ।
पहिरोमा परी गौरीशंकर–७ का हरिलाल श्रेष्ठ, कृष्णबहादुर मगर र उनकी श्रीमती बेपत्ता छन् ।
यस्तै घटनामा तीन जना घाइते भएका छन् । बेपत्ताको खोजीका लागि घटनास्थलमा हेलिकप्टर पठाइएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
