काठमाडौं, साउन १७ । बागमती प्रदेश सरकारले एफ एम रेडियो, टेलिभिजन र अनलाइन संचारका पत्रकार, व्यवस्थापक, रेडियो प्रविधिकहरु लाई तालिम दिने भएको छ । चालु आर्थिक वर्षमा विनियोजित बजेटको सीमा भित्र रहि बागमती प्रदेशको संचार रजिष्ट्रारको कार्यलयले निः शुल्क तालिम संचालन गर्न लागेको हो ।
मंगलवार प्रकाशित सुचना अनुसार एफ एम रेडियो, टेलिभिजन र अनलाइन संचार माध्यममा कार्यरत पत्रकार, व्यवस्थापक, रेडियो प्रविधिक तथा महिला पत्रकारका लागि तालिमको अवसर दिएको जनाएको छ । विभिन्न विधाका तालिममा सक्रिय सहभागि भई सीप सिक्न चाहने पत्रकार, रेडियो प्राविधिक, बजार व्यवस्थापकलाई सूचना प्रकाशित भएको मितिले ३० दिन भित्र निवेदन पठाउन समेत अनुरोध गरेको छ ।
तालिम अन्तरर्गत रेडियो प्राविधिक तालिम बजार व्यवस्थापनका लागि विज्ञापन कला सम्बन्धी तालिम, समाचार लेखन विषयक तालिमहरु रहेको छ । साथै पत्रकारका लागि अनलाइन पत्रकारिता तालिम, डाटा ड्रिभन पत्रकारिता तालिम र मोबाइल पत्रकारिता तालिम रहेको जनाएको छ ।
