काठमाडौं, साउन १६ । उपप्रधानमन्त्री तथा रक्षामन्त्री पूर्णबहादुर खड्काले नेपाली सेनाको हवाई सेवालाई थप विश्वसनीय र सेवामुखी बनाउन निर्देशन दिएका छन् ।
नेपाली सेनाको हवाई सेवाको केन्द्रीय हवाई अड्डाको निरीक्षण गर्दै रक्षामन्त्रीले नेपाली सेनाको उड्डयन सेवा अन्य संस्थाको तुलनामा फरक रहेको बताए ।
उनले नेपाली सेनाको उड्डयन शाखालाई थप विश्वसनीय बनाएर सार्वजनिक सेवामा बढी ध्यान दिन अधिकारीहरुलाई आग्रह गरे ।
उपप्रधानमन्त्री खड्काले विपद्को समयमा उद्धार कार्यमा निरन्तर लगनशिलता देखाएकोमा नेपाली जनताले नेपाली सेनाका पाइलट र अन्य अधिकारीप्रति सधैं कृतज्ञता व्यक्त गरेको बताए ।
सो अवसरमा खड्काले यस क्षेत्रमा कार्यरत नेपाली सेनाका जनशक्तिलाई प्रोत्साहन गर्न र तालिमको अवसर र अन्य सुविधा उपलब्ध गराउन सरकार सदैव तत्पर रहेको बताए ।
Published Date: 01 August 2023
