काठमाडौं, साउन १५ । विगत वर्षमा हवाई दुर्घटनाका शृङ्खलाहरु बढेपछि नेपाल वायुसेवा सञ्चालक संघले ‘विशेष कार्यदल’ गठन गरी सक्रियता अपनाएको छ । पूर्व पर्यटन सचिव यज्ञप्रसाद गौतमको संयोजकत्वमा बनेको चार सदस्यीय समितिले घटनाको विश्लेषण गरी एक महिनाभित्र विस्तृत प्रतिवेदन पेश गर्ने लक्ष्य राखेको छ ।
संघका महासचिव मनोज कार्कीले यस समितिको मुख्य उद्देश्य दुर्घटनाको मूल कारण पत्ता लगाउनु र हवाई सुरक्षाका उपायहरू अभिवृद्धि गर्न सरकारलाई सहयोग पु¥याउनु रहेको बताए ।
‘सरकारले दुर्घटना छानबिन आयोग गठन गरेको भए पनि पछिल्लो समय भएका दुर्घटनाको अध्ययन गर्न स्वेच्छाले यो कार्यदल बनाएका हौँ,’ महासचिव कार्कीले बताए ।
कार्यदलमा हेली एभरेष्टका क्याप्टेन हिराबाबु दाहाल, यती एयरलाइन्सका सुरक्षा निर्देशक रवि कंसाकार, फिस्टेल एयरका इन्जिनियर एमके श्रेष्ठ र नेपाल नागरिक उड्डयन प्राधिकरणका पूर्व सुरक्षा अधिकृत नारायण डंगोललगायत विभिन्न उड्डयन पृष्ठभूमिका उच्च दक्ष व्यक्तिहरू रहेका छन् ।
Published Date: 31 July 2023
