भक्तपुर, साउन १२ । भक्तपुरमा घुम्ती पसल व्यवसाय गर्न र धावा पसल राख्न नपाइने भएको छ।
भक्तपुर नगरपालिकाले शुक्रबार सडक आवागमन सुचारू गर्नेसम्बन्धी सूचना जारि गर्दै नगरपालिका भित्र सडकपेटी र फुटपाथमा पसलको सामान नराख्न, साइकल, ठेलागाडा, गाडी, धावा पसल नराख्न र घुम्ती पसल व्यवसाय सञ्चालन नगर्न भनिएको हो।
जसका कारण सर्वसाधारणको आवतजावतमा अवरोध भएको र सवारी दुर्घटनासमेत निम्तिन सक्ने कुरा उल्लेख गरेको छ।
उक्त सूचनालाई बेवास्ता गरी सड़कपेटी र फुटपाथमा पसलको सामग्री राख्ने कार्य, साइकल, ठेलागाडा, गाडी, धावा तथा घुम्ती पसल सञ्चालन गरिएको पाइएमा यसरी अनधिकृतरूपमा राखिएका सामग्री र निषेधित क्षेत्रमा सञ्चालन गरिने साइकल, ठलागाडा, गाडी, धावा पसलहरू उठाई वा हटाई नियमानुसार कारबाही गरिने नगरपालिकाले जारि गरेको सूचनामा भनिएको छ।
यो खबर पढेर तपाईलाई कस्तो महसुस भयो ?
+1
2
+1
+1
3
+1
+1
