काठमाडौं, साउन ९ । लगातार तीन दिनदेखि घटेको सुनको मूल्य मंगलबार बढेको छ । साउन ९ गते, सुन तोलामा २०० रुपैयाँले महंगिएको छ । चाँदी भने लगातार चौथो दिन पनि सस्तिएको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १२ हजार २०० रुपैयाँमा र तेजाबी सुन प्रतितोला एक लाख ११ हजार ६५० रुपैयाँ पुगेको छ ।
सोमबार भने सुन तोलामा ३०० रुपैयाँले घटेर एक लाख १२ हजार रुपैयाँमा झरेको थियो । त्यसअघि तीन दिनमा सुन प्रतितोला एक हजार ६०० रुपैयाँले गिरावट भएको गियो ।
मंगलबार चाँदीको मूल्य भने घटेको छ । आज चाँदी तोलामा पाँच रुपैयाँले ओरालो लाग्दा एक हजार ४५५ रुपैयाँमा खरिदबिक्री भइरहेको छ ।
बिहीबारयता चाँदी प्रतितोला ४० रुपैयाँले गिरावट भइसकेको छ । सोमबार चाँदीको मूल्य प्रतितोला पाँच रुपैयाँले घट्दा एक हजार ४६० रुपैयाँमा किनबेच भएको थियो ।
Published Date: 25 July 2023
