काठमाडौं, साउन ८ । लोकसेवा आयोगको पुस्तकमा महिलाबारे आपत्तिजनक शब्दसहित प्रश्न र जवाफको विकल्प रहेको भन्दै काठमाडौंको माइतीघर मण्डलामा विरोध प्रदर्शन गरिएको छ ।
वन तथा वातावरण मन्त्रालयका सहायक संरक्षण अधिकृत राम एकवल दासले लेखेको लोकसेवा आयोगको पुस्तकमा आपत्तिजनक प्रश्नोत्तर भेटिएपछि अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी)ले सोमबार विरोध प्रदर्शन गरेको छ ।
उनीहरुले पुस्तकका प्रतिहरु जलाएर विरोध जनाएका छन् । प्रदर्शनकारीले ‘महिला हिंसा बन्द गर, महिला अधिकारको रक्षा गर’ लेखिएका प्लेकार्ड बोकेका थिए ।
कलङ्कीस्थित विद्या विकास पब्लिकेसन्सले प्रकाशित गरेको ‘गेम स्काउट, वन गार्ड, सफाल्ताको साथी’ नामक पुस्तकको पृष्ठ नं १४३ मा महिलाबारे आपत्तिजनक शब्दसहित प्रश्नोत्तर गरिएको आन्दोलनमा सहभागी एक विद्यार्थीले बताए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
