काठमाडौं, साउन ५ । नेपाल धितोपत्र बोर्डले थप ११ वटा कम्पनीलाई ब्रोकरलाई लाइसेन्स प्रदान गरेको छ ।
बोर्डले साउन ४ गते थप ११ वटा कम्पनीलाई ब्रोकर लाइसेन्स विरतरण गरेको प्रवक्ता मुक्तिनाथ श्रेष्ठले जानकारी दिए ।आवश्यक पूर्वाधार तयार गरेका कम्पनीहरुलाई लाइसेन्स दिइएको बोर्डले जानकारी गराएको छ ।
लाइसेन्स पाउनेमा मिल्की वे सेयर ब्रोकर कम्पनी, क्यापिटल हव प्रालि, आकाश भैरव सेक्युरिटिज, पाही इन्भेष्टमेन्ट प्रालि, एसपीएसए सेक्युरिटिज, एनएमबि. सेक्यूरिटिज, सानिमा सेक्यूरिटिज, स्टक्स्कार्टस् सेक्युरिटिज, इन्दिरा सेक्युरिटिज, ब्लु चिप सेक्युरिटिज र गरिमा सेक्युरिटिज रहेका छन् ।यसअघि बोर्डले पहिलो र दोश्रो चरण गरी कूल १८ वटा कम्पनीलाई लाइसेन्स प्रदान गरेको थियो ।
यससँगै ब्रोकर लाइसेन्स प्राप्त गर्नेको संख्या २९ पुगेको छ । यसअघि पहिलो चरणमा लाइसेन्स पाउँने ७ वटा ब्रोकर कम्पनीहरुले कारोबार सुरु गरिसकेका छन् ।
