काठमाडौं, साउन ३ । सुनको भाउ बढ्ने क्रमले बुधबार पनि निरन्तरता पाएको छ ।
नेपाल सुन–चाँदी व्यवसायी महासंघका अनुसार बुधबार छापावाल सुन प्रतितोला ६ सय रुपैयाँले बढेर १ लाख १३ हजार १०० रुपैयाँ कायम भएको छ । यसैगरी, तेजावी सुनको मूल्य तोलाको १ लाख १२ हजार ५५० रुपैयाँ निर्धारण भएको छ । यसअघि गत जेठ १९ गते सुनको मूल्य अहिलेसम्मकै उच्च १ लाख १३ हजार ३०० रुपैयाँ कायम भएको थियो ।
यसआधारमा सुनको मूल्य पुनः पुरानो उच्चतम रेकर्ड नजिकै पुगेको देखिन्छ । विश्वभरमै मूल्य वृद्धि हुँदा यहाँ पनि भाउ बढेको व्यवसायीहरु बताउँछन् । बुधबार चाँदीको भाउ पनि तोलामा १० रुपैयाँले बढेर १४ सय ९० रुपैयाँ कायम भएको छ ।
मंगलबार चाँदीको भाउ १४ सय ८० रुपैयाँ कायम रहेको थियो । अन्तर्राष्ट्रिय बजारमा आज सुन प्रतिऔंस १ हजार ९७७.२१ डलरमा कारोबार भइरहेको छ भने चाँदी प्रतिऔंस २२५.०५ डलरमा कारोबार भइरहेको छ । मुख्यतयः अन्तर्राष्टिय बजारमा तय हुने भाउकै आधारमा नेपाली बजारमा पनि मूल्य निर्धारण हुन्छ ।
Published Date: 19 July 2023
