पुलिसको लगातार तेस्रो जित

राष्ट्रिय खेलकुद परिषद् (राखेप) को कभर्ड हलमा भएको खेलमा पुलिसले २५-२१, २५-१९ र २५-१७ को सेटले विजयी भयो । लगातार चार हारसँगै दावाली मिलन क्लब प्रतियोगिताबाट औपचारिक रुपमा बाहिरिने पहिलो टोली बनेको छ । पुलिसविरुद्ध राम्रो प्रदर्शन गरेपनि कुनैपनि सेट जित्न सकेन ।

पुलिसले पहिलो खेलमा गण्डकी प्रदेशलाई ३–२ र सैलुङ बागढुङ्गालाई ३–० को सोझो सेटमा पराजित गरेको छ । उता दावाली मिलन एपिएफ, आर्मी र टिपटप हेल्प नेपालसँग समान ३–० को सोझो सेटमा पराजित भएको थियो ।

आजको दोस्रो खेलमा हेल्प नेपाल र गण्डकी प्रदेशबीच दिउँसो ३ बजे सुरु हुनेछ । अन्तिम खेल साँझ ६ बजे एपिएफ र सैलुङबीच प्रतिस्पर्धा हुनेछ । आर्मी ३ खेलमा ९ अंकका साथ शीर्षस्थानमा छ । नेपाल पुलिस क्लब ३ खेलमा ८ अंकका साथ दोस्रो स्थानमा छ ।

नेपाल एपिएफ क्लब २ खेलमा ६ अंकका साथ तेस्रो स्थानमा छ । टिपटप हेल्प नेपाल २ खेलमा ६ अंकका साथ चौथो स्थानमा छ । गण्डकी ३ खेलमा १ अंकका साथ पाँचौं स्थानमा छ । दावाली ४ र सैलुङ ३ खेलमा जित विहीन हुँदै छैटौं र सातौं स्थानमा छन् ।