काठमाडौं, असार २५ । नेपाल पुलिस क्लबको महिला टोलीले सातौ प्रधानमन्त्री कप ए.भि.ए महिला तथा पुरुष राष्ट्रिय क्लब लिग २०८० मा लगातार तीन जित निकालेको छ ।
आज सम्पन्न खेलमा पुलिसको महिला टोलीले नेपाली सेनाको त्रिभुवन आर्मी क्लबलाई ३–० ले पराजित गर्दै थप ३ अंक जोडेको छ । पुलिसले एक तर्फी खेलमा आर्मीलाई २५–१८, २५–१२, २५–१८ ले पराजित गरेको हो । यस जित संगै पुलिसको ९ अंक भएको छ । यस अघि पुलिसले गण्डकी प्रदेश र एभरेष्ट भलिबल क्लबलाई पराजित गरेको थियो ।
पुलिस ३ खेलमा ९ अंकका साथ शीर्षस्थानमा छ । न्यू डायमण्ड २ खेलमा ३ अंकका साथ दोस्रो स्थानमा छ । एपिएफ २ खेलमा ५ अंकका साथ तेस्रो स्थानमा छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
