काठमाडौं, असार ७ । बिहीबार सुनको मूल्य तोलामा ५०० रुपैयाँले घटेको छ ।
नेपाल सुन–चाँदी व्यवसायी महासंघका अनुसार बिहीबर छापावाल सुन प्रतितोल ५०० रुपैयाँले घटेर १ लाख १० हजार ५०० रुपैयाँ कायम भएको छ । यसैगरी, तेजावी सुनको मूल्य तोलाको १ लाख ९ हजार ९५० रुपैयाँ निर्धारण भएको छ ।
यसअघि बुधबार सुनको मूल्य १ लाख ११ हजार रुपैयाँ कायम भएको थियो । यसैगरी, तेजावी सुनको भाउ तोलाको १ लाख १० हजार ४५० रुपैयाँ निर्धारण भएको थियो ।
बुधबार पनि सुनको भाउ अघिल्लो दिनको तुलनामा तोलामा ८०० रुपैयाँले घटेको थियो । यता, बिहीबार चाँदीको भाउ पनि तोलामा २५ रुपैयाँले घटेर १३ सय ६० रुपैयाँ कायम भएको छ । बुधबार चाँदीको भाउ तोलाको १३ सय ८५ रुपैयाँ कायम रहेको थियो ।