काठमाडौं, असार ६ । ललितपुर महानगरपालिकाले कक्षा ३ सम्म नेपाल भाषा पढाउने भएको छ।
महानगरपालिकाको आगामी आर्थिक वर्षको नीति तथा कार्यक्रम ल्याउँदै महानगरका मेयर चिरिबाबु महर्जनले स्थानीय मातृभाषालाई प्राथमिकता दिँदै आगामी शैक्षिक सत्रदेखि कक्षा १ देखि ३ सम्म नेपाल भाषाको पाठ्यक्रम तयार गरी लागु गरिने घोषणा गरेका हुन्।
नीति तथा कार्यक्रममका अनुसार प्रत्येक वर्ष माथिल्ला कक्षाहरू नेपाल भाषाका कक्षाहरु थप गर्दै लगिनेछ। ‘महानगरपालिका क्षेत्र भित्रका सामुदायिक विद्यालयहरुमा नेपाल भाषाको पठनपाठन सञ्चालन गर्न प्रत्येक विद्यालयमा एक शिक्षकको व्यवस्था गरिनेछ,’ कार्यक्रममा भनिएकोछ।
Published Date: 21 June 2023
