हिन्दी चलचित्र प्रदर्शनमा रोक लगाउने निर्णयविरुद्ध उच्च अदालतमा मुद्दा दायर

काठमाडौँ, असार ६ । काठमाडौं महानगरपालिकाका मेयर बालेन्द्र शाह(बालेन)को हिन्दी चलचित्र प्रदर्शनमा रोक लगाउने निर्णयविरुद्ध नेपाल चलचित्र संघले पाटन उच्च अदालतमा मुद्दा दायर गरेकाे छ । संघले बुधबार काठमाडौंनगरमा हिन्दी चलचित्र प्रदर्शन गर्न दिन अन्तरिम आदेश पनि माग गरेकाे छ ।

मेयर बालेनले हिन्दी चलचित्र “आदिपुरुष’को विवादित संवाद नहटाएसम्म चलचित्र प्रदर्शन गर्नमा राेक लगाउने निर्णय गरेका थिए । उनले ‘सीता भारतीय छोरी हुन्’ भन्ने आशयको संवाद नहटाएको भन्दै महानगरका हलमा हिन्दी चलचित्र संचालन नगर्न निर्देशन दिएका थिए ।

बालेनले गरेकाे उक्त निर्णय कानुन विपरीत भएकाे भन्दै फिल्म हल सञ्चालकहरु अदालत गएका छन् । यो रिटमा बिहीबारका लागि पेशी तोकिएको छ ।