काठमाडौं, जेठ २८ । आगामी असार १५ गतेदेखि प्रदर्शनको तयारीमा रहेको नयााँ नेपाली फिल्म ‘परस्त्री’ को हिन्दी भाषाको ट्रेलर सार्वजनिक गरिएको छ ।
२ मिनेट ४७ सेकेण्ड लामो ट्रेलरले विवाहेत्तर सम्बन्धले निम्त्याउने पारिवारिक र सामाजिक संकटको कथा प्रस्तुत गरेको छ । बिफोरयु म्युजिकबाट सार्वजनिक फिल्मको हिन्दी ट्रेलरले पनि दर्शकको मन जित्ने विश्वास निर्माण टिमको छ ।
गत बिहिबार सार्वजनिक गरिएको फिल्मको नेपाली ट्रेलरले दर्शकबाट उत्कृष्ट प्रतिक्रिया पाएको छ । विशेष गरी अभिनेत्री शिल्पा मास्केको बोल्ड अवतारको चर्चा दर्शकमाझ भैरहेको छ ।
नेपालीसँगै हिन्दी भाषामा भारतका सिनेमा हलमा समेत प्रदर्शन हुन लागेको यो फिल्मलाई सुरज पाण्डेले निर्देशन गरेका हुन् ।
शर्मिला पाण्डे फिल्मकी निर्मात्री हुन् । दीपेन्द्र के खनालको लेखन रहेको फिल्ममा कोशिस क्षेत्री, शिल्पा मास्के, गौरव बिष्ट, एलिसा क्षेत्री, अशान्त शर्मा, गीत विष्ट, रामबाबु रेग्मी, सरस्वती अधिकारी, अर्पित न्यौपानेलगायतको पनि अभिनय छ ।
डिएस डिजिटको व्यारमा निर्माण भएको फिल्मको भारत रिलिजमा नेन्दी क्रियसनले सहयोग गर्दैछ । फिल्ममा निरज कँडेलको छायांकन र दीर्घ खड्काको सम्पादन रहेको छ ।
Published Date: 11 June 2023
