काठमाडौँ, जेठ २२ । ट्विटरको नयाँ सीईओको रूपमा लिन्डा याकारिनोले आज अर्थात् सोमबार पदभार ग्रहण गर्दैछिन् । यसअघि एनबीसी युनिभर्सलको ग्लोबल एडभर्टाइजिङ एण्ड पार्टनरसिपका अध्यक्षको रूपमा उनले काम गरिसकेकी छिन् ।
याकारिनोले एनबीसी युनिभर्सलका कार्यकारी उपाध्यक्ष जो बेनारोचलाई उनीसँग ट्विटरमा काम गर्न नियुक्त समेत गरेकी छिन्। वाल स्ट्रीट जर्नलको रिपोर्टका अनुसार बेनारोच याकारिनोका विश्वसनिय सल्लाहकार हुन् ।
गत महिना ट्विटरका मालिक एलन मस्कले नयाँ सीईओको बारेमा जानकारी दिएका थिए। मस्कले लेखेका थिए, ‘म ट्विटरको नयाँ सीईओको रूपमा लिन्डा याकारिनोलाई स्वागत गर्न पाउँदा उत्साहित छु । लिन्डाले मुख्य रूपमा व्यापार सञ्चालनमा ध्यान दिनेछिन् । म भने उत्पादनकाे डिजाइन र नयाँ प्रविधिमा ध्यान दिनेछु।’ एलन मस्कले टेस्ला र स्पेसएक्समा बढी ध्यान केन्द्रित गर्ने लक्ष्य राखेका छन्।
Published Date: 05 June 2023
