नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ११ हजार ६०० रुपैयाँमा झरेको छ । यसैगरी, तेजाबी सुन प्रतितोला एक लाख ११ हजार ५० रुपैयाँमा कारोबार भइरहेको पनि महासंघले जनाएको छ ।
यसअघि, लगातार तीन दिन सुनको भाउ वृद्धि भएर नयाँ रेकर्ड कायम गरेको थियो । आर्थिक वर्ष २०८०/८१को बजेट घोषणापछि नै सुन पाँच हजार २०० रुपैयाँले बढोत्तरी भएको महासंघको तथ्यांकमा उल्लेख छ । शुक्रबार पनि सुन तोलामा ८०० रुपैयाँले महंगिएको थियो । त्यस दिन सुन प्रतितोला एक लाख १३ हजार ३०० रुपैयाँ रुपैयाँ पुगेर नयाँ रेकर्ड कायम भएको थियो ।
सातको पहिलो दिन, चाँदीको मूल्य पनि सस्तिएको छ । निरन्तर चार दिन बढेको चाँदी यस दिन तोलामा २० रुपैयाँले गिरावट भएको छ । आज चाँदी प्रतितोला एक हजार ४१५ रुपैयाँमा खरिदबिक्री हुँदैछ । अघिल्लो साताको अन्तिम कारोबार दिन, चाँदी प्रतितोला २५ रुपैयाँले बढेर प्रतितोला एक हजार ४३५ रुपैयाँ पुगेको थियो ।
