पोखरा, जेठ १९ । उच्च अदालत पोखराले फेवातालको चार सिमानाभित्र बुलडोजर प्रयोग नगर्न महानगरलाई अन्तरिम आदेश दिएको छ । अदालतले सो क्षेत्रमा कुनै पनि संरचना निर्माण गर्न निषेध गरेको छ ।
उच्च अदालत पोखराको एकल इजलासको अध्यक्षतामा न्यायाधीश डिल्लीराज आचार्यको इजलासले अन्तरिम आदेश जारी गरेको हो ।
साथै, अदालतले पोखरा महानगरपालिकालाई फेवातालको सिमानालाई प्रतिबन्धित निर्माण क्षेत्र घोषणा गर्न निर्देशन दिएको छ । त्यसमा संलग्न बुलडोजर र ट्रक जफत गर्न र चालक र सञ्चालकलाई कानुनी कारबाही गर्न महानगरलाई निर्देशन दिएको छ ।
पोखरा उच्च अदालतले पोखराको ताल क्षेत्रको संरक्षणका लागि कम्तीमा एक प्रहरी निरीक्षकको नेतृत्वमा सुरक्षा टोली गठन गरी सुपरिवेक्षण गर्न जिल्ला प्रहरी कार्यालय कास्कीलाई निर्देशन दिएको छ ।
फेवाताल क्षेत्रको अतिक्रमण रोक्न माग गर्दै अधिवक्ता मनोज घर्तीमगरले उच्च अदालतमा रिट दायर गरेका थिए ।
सुनुवाइका क्रममा उच्च अदालत पोखराले गण्डकीका मुख्यमन्त्री सुरेन्द्रराज पाण्डे, उद्योग, पर्यटन, वन तथा वातावरणमन्त्री दीपेन्द्रबहादुर थापा, ताल संरक्षण तथा विकास प्राधिकरणकी प्रमुख कल्पना देवकोटा र पोखराका मेयर धनराज आचार्यलाई सोधपुछ गरेको हो । किन निर्माण र उत्खनन अनुमति दिइएको थियो।
