काठमाडौं, जेठ १४ । सिन्धुपाल्चोकमा आज ३.९ रेक्टर स्केलको भूकम्प गएको छ ।
राष्ट्रिय भूकम्प अनुगमन तथा अनुसन्धान केन्द्र लैनचौरका अनुसार आज दिउँसो १ बजेर १९ मिनेटमा सिन्धुपाल्चोकको गोल्छेलाई केन्द्रबिन्दु बनाएर ३.९ रेक्टर स्केलको भूकम्प गएको हो ।
यसअघि गत जेठ १० गते बझाङको दौलीचौर आसपास ४.५ म्याग्नीच्युडको भूकम्प गएको थियो ।
पछिल्लो समय नेपालको पूर्वी र पश्चिमी क्षेत्रमा भूकम्प जाने क्रम जारी छ । नेपालको हिमाली र पहाडी क्षेत्रलाई भूकम्पीय जोखिम क्षेत्र मानिन्छ।
Published Date: 28 May 2023
