धनगढी, जेठ १० । भन्सार छली गरेर ल्याएको सामान पास गराउन भन्दै प्रहरीलाई घुस दिन खोज्ने एक भारतीय नागरिक कैलालीमा पक्राउ परेका छन् ।
बुधबार बिहान धनगढी उपमहानगरपालिका–२ नजिकै भारत पलियाका ५० वर्षीय सुधीर गुप्तालाई प्रहरीले पक्राउ गरेको हो । भारतबाट तस्करी गरेको आठ हजार रुपैयाँको सामान पास गराउन भन्दै प्रहरीलाई घुस दिन खोजेका थिए ।
जिल्ला प्रहरी कार्यालय कैलालीका प्रवक्ता प्रहरी नायब उपरीक्षक कुलदीप चन्दका अनुसार गुप्ताले बुधबार बिहान ५ सय रुपैयाँ लिएर सामान छोड्न भनेका थिए ।
गुप्ताको साथबाट प्रहरीले मिठाई, सुपारी, चिया पात, दुध लगायतका सामग्री बरामद गरेको छ । पक्राउ परेका गुप्ता र बरामद सामान आवश्यक कारबाहीका लागि कैलाली भन्सार कार्यालयमा बुझाइएको प्रहरीले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
