काठमाडौं, वैशाख २६ । रेलिगेसन क्षेत्रनजिक रहेको एभर्टनले इंग्लिस प्रिमियर लिगको शीर्ष ६ को दौडमा रहेको ब्राइटन होव अल्वियोनमाथि सानदार जित निकालेको छ ।
एभर्टनले ब्राइटनलाई उसकै मैदानमा ५–१ को लज्जास्पद हार चखाएको हो । एभर्टनको फराकिलो जितमा एब्डुलाए डोउकाउरे र डिवाइट म्याक्नेलले समान दुई गोल गर्दा एक गोल उपहार पाएको थियो । ब्राइटनका एलेक्किस म्याक एलिस्टरले एक गोल फर्काए ।
दि अमेरिकन एक्सप्रेस कम्युनिटी स्टेडियम फाल्मेरमा सोमबार राति गोलको वर्षा भएको खेलको पहिलो मिनेटमा डोउकाउरेको गोलबाट एभर्टनले अग्रता लिएको थियो ।
२९अऔं मिनेटमा डोउकाउरेले व्यक्तिगत र टोलीका लागि दोस्रो गोल गर्दै अग्रता दोब्बर पारे । ३५औं मिनेटमा जासोनले अआत्मघाती गोल गरेपछि एभर्टन पहिलो हाफमा ३–० ले अघि बढ्यो ।
७६औं मिनेटमा म्याक्नेलले गोल गरेपछि एभर्टन फरकिलो जिततर्फ अघि बढ्यो । ७९अऔं मिनेटमा एलिस्टरले गोल गर्दै खेललाई ४–१ को स्थितिमा ल्याए ।
त्यसपछि इन्ज्युरी समयको थप गरिएको छैटौं मिनेटमा म्याक्नेलले व्यक्तिगत दोस्रो र टोलीका लागि पाँचौं गोल गर्दै एभर्टनलाई सानदार जित दिलाए ।
यस जितसँगै एभर्टनले रेलिगेसन क्षेत्र छाडेको छ । एभर्टन ३५ खेलबाट ३२ अंक जोडेर १७औं स्थानमा उक्लिएको छ । पराजित ब्राइटन ३३ खेलबाट ५५ अंक जोडेर सातौं स्थानमा छ । –एजेन्सी
Published Date: 09 May 2023
