काठमाडौँ, वैशाख २१ । अमेरिकी केन्द्रीय बैंक (फेडरल रिजर्भ)ले मुद्रास्फिति नियन्त्रणका लागि भन्दै लगातार ब्याजदर बढाउदै आएको छ। बैंकले लगातार १० औं पटक ब्याजदर बढाएको छ ।
बैंकले बिहीबार फेरी ब्याजदर ०.२५ प्रतिशत बिन्दुले बढाएर ब्याजदर न्यूनतम ५ देखि अधिकतम ५.२५ प्रतिशत विन्दु कायम गरेको हो। यसअघि यस्तो ब्याजदर ४.७५ देखि ५ प्रतिशतसम्म थियो । अमेरिकाको यो ब्याजदर १६ वर्ष यताकै उच्च हो ।
ब्याजदर बृद्धिको कारणले अमेरिकाका कतिपय बैंकहरु समस्यामा परेका छन्। तर फेडरलले भने अझै ब्याजदर बढाउन रोकेको छैन।