काठमाडौं, वैशाख २१ । उपप्रधानमन्त्री तथा गृहमन्त्री नारायणकाजी श्रेष्ठले नक्कली भुटानी शरणार्थी बनाएर अमेरिका पठाउने बहानामा नेपालीलाई ठगी गरेको घटनामा दोषीलाई सफाइ दिन नहुने बताएका छन्।
अपराधी जतिसुकै शक्तिशाली वा प्रभावशाली किन नहोस् भनेर प्रहरी प्रशासनलाई निर्देशन दिएको उनले बताए ।
मन्त्री श्रेष्ठले भने, ‘अनुसन्धानको नाममा निर्दोषलाई दुःख नपरोस् भनेर सचेत रहन पनि भनेको छु । उनले यस विषयमा सुरक्षा निकायले सावधानीपूर्वक काम गरिरहेको बताए ।
नक्कली भुटानी शरणार्थी घोटालाको छानबिन गर्न प्रहरीले बुधबार उपराष्ट्रपति कार्यालयका सचिव टेकनारायण पाण्डेलाई पक्राउ गरेको थियो भने नेकपा एमालेका सचिव तथा सांसद टोपबहादुर रायमाझी र उनका छोरा सन्दीप रायमाझीविरुद्ध जिल्ला अदालत काठमाडौंले पक्राउ पुर्जी जारी गरेको थियो ।
पूर्वगृहमन्त्री तथा नेकपा एमालेका नेता रामबहादुर थापाका छोरा प्रतीक थापाविरुद्ध पनि पक्राउ पुर्जी जारी भएको छ ।
Published Date: 04 May 2023
