काठमाडौं, वैशाख २१ । संघीय निजामती सेवा ऐनको माग गर्दै केही निजामती कर्मचारीले सिंहदरबारको दक्षिण गेटमा धर्ना दिएका छन् ।
संघीय निजामती ऐन जारी नगरे वैशाख २५ गतेदेखि आन्दोलन चर्काउने उनीहरुले चेतावनी दिएका छन् । सरकारले आफ्ना मागमा ध्यान नदिए सिंहदरबारको काम रोकेर देशभर आन्दोलन गर्ने चेतावनी दिएका छन् ।
धर्ना कार्यक्रममा बोल्दै नेपाल सरकारी कर्मचारी सङ्गठनका उपाध्यक्ष प्रभात शाहले संघीय निजामती सेवा ऐन तत्काल लागू गर्नुपर्ने मागलाई सरकारले बेवास्ता गरेकोले आन्दोलन गर्न बाध्य भएको बताए ।
संघीय निजामती सेवा ऐन कार्यान्वयनको माग गर्दै निजामती कर्मचारीले विगत केही समयदेखि आन्दोलन गर्दै आएका छन् ।
Published Date: 04 May 2023
