काठमाडौं, वैशाख १९ । सिटिजन लाइफ इन्सुरेन्स कम्पनी लिमिटेडले चालु आर्थिक वर्षको तेस्रो त्रैमाससम्मको वित्तीय विवरण सार्वजनिक गरेको छ । यसअवधिमा यसले १५ करोड १ लाख ४८ हजार रुपैयाँ खुद नाफा कमाएको छ । यो अघिल्लो वर्षको यसैअवधिको तुलनामा २.६०% ले बढी हो ।
अघिल्लो वर्षको यसैअवधिमा १४ करोड ६३ लाख ३७ हजार रुपैयाँ खुद नाफा कमाएको छ । एक वर्षको अवधिमा जीवन बिमा कोषको आकार ५३.०२% ले बढेर ८ अर्ब ४७ करोड ४१ लाख ५९ हजार रुपैयाँ पुगेको छ ।
खुद बिमा शुल्क आर्जन पनि ३.७१% ले बढेर ३ अर्ब ७२ करोड ८२ लाख ८९ हजार रुपैयाँ पुगेको छ । कम्पनीले फेस भ्याल्यूमा १९० रुपैयाँ प्रिमियम थप गरेर प्रतिकित्ता २९० रुपैयाँका दरमा १ करोड १२ लाख ५० हजार कित्ता आइपीओ जारी गर्न लागेको छ ।
Published Date: 02 May 2023
