काठमाडौँ, वैशाख १९ । मंगलबार नेप्से परिसूचक ४.२७ अंकले घटेर १८६६.४० विन्दुमा झरेको छ। यस दिन ६९ करोड २२ लाख रुपैयाँको मात्रै शेयर कारोबार भएको छ।
कारोबारमा आएका १३ उपसमूहमा ७ उपसमूहको सूचक सकारात्मक देखिएका छन् भने बाँकी ६ उपसमूहको सूचक नकारात्मक छन्। ब्यापार उपसमूह सबैभन्दा धेरै घटेको छ।
यस दिन आदर्श लघुवित्तको शेयरमूल्य सबैभन्दा धेरै ८.२० प्रतिशतले बढेको छ भने गुँरास लघुवित्तको पनि ४.३५ प्रतिशतले बढेको छ। यता श्वेत गंगा हाइड्रोपावरको शेयरमूल्य सबैभन्दा धेरै ४.७० प्रतिशत र मिथिला लघुवित्तको ४.५७ प्रतिशतले घटेको छ।
हिमालयन डिस्टिलरीको सबैभन्दा धेरै २ करोड ३३ लाख रुपैयाँको शेयर कारोबार भएको छ भने नेपाल दुरसञ्चार कम्पनी र शिवम सिमेन्टको पनि २ करोड बढीको शेयर कारोबार भएको छ।
