काठमाडौँ, वैशाख १८ । नेपाल आर्थिक संघका वरिष्ठ उपाध्यक्ष डा भवानी प्रसाद ढुंगानाको नेतृत्त्वमा गएको संघ को टोलीले अर्थ मन्त्री डा प्रकाश शरण महतलाई भेटी विभिन्न बिसयमा जानकारी गराएको छ। अगामी आर्थीक बर्ष २०८०र८१ को बजेट ल्याउन लागेको सन्दर्भमा, अनुसन्धानमा आधारित विषय वस्तुहरूलाई हृदयंगम गर्दै जनतालाई आशा जाग्ने किसिमले बजेट ल्याउन पर्ने कुरामा जोड़ दिईएको थियो।
अर्थ मन्त्री डा महतले नेपाल आर्थिक संघ देशको एक मात्र अर्थशास्त्री हरूको सङ्गठन भएकोले सहकार्य गर्न तयार रहेको कुरा बताए। आर्थिक विषयमा जस्तै कृषि, रोजगारी बढाउन, उत्पादन बढाउन, पूँजीगत खर्च बढाउन, साथै अन्य विषयमा अनुसन्धान गरेर अगाडि बढ्न सक्दा धेरै उपयोगी हुने कुरा बताए।
सोहि अवसरमा संघको तर्फबाट वरिष्ठ उपाध्यक्ष ढुंगानाले अर्थ मन्त्रीलाई मानार्थ सदस्यता प्रधान पनि गरेका थिए। उक्त अवसरमा उपाध्यक्ष्य प्रा डा गोबिन्द नेपालले अर्थ मन्त्रालय सँग सहकार्य गर्दै आएको बताउँदै अगामी दिनमा पनि आर्थिक क्षेत्रमा अनुसंधान जारी राख्ने कुरा बताए ।
