काठमाडौं, वैशाख १८ । नेपाल र युएईबीचको एसीसी प्रिमियर कपको फाइनल खेल वर्षाका कारण फेरि रोकिएको छ । जारी खेलको पहिलो इनिङ्समा वर्षाले खेल प्रभावित भएको यो दोस्रो पटक हो ।
१६ औं ओभरपछि पहिलो पटक वर्षाका कारण खेल रोकिएको थियो । कीर्तिपुरस्थित त्रिभुवन विश्वविद्यालय क्रिकेट मैदानमा टस हारेर पहिले ब्याटिङको निम्तो पाएको युएईले २७.३ ओभरमा ९ विकेट गुमाएर १०६ रन बनाए पनि वर्षाका कारण खेल दोस्रो पटक रोकिएको थियो ।
अहिले त्रिवि क्रिकेट मैदानमा पानी परिरहेको छ । वर्षा जारी रहेकाले खेल सुचारु हुने वा नहुने अनिश्चित छ । वर्षाको बावजुद पनि खेल सुचारु हुने उत्सुकताका साथ पर्खिरहेका दर्शकहरु क्रिकेटका फ्यानहरु जस्तै देखिन्छन् । वर्षाको बीचमा पनि दर्शकले खेल सुचारु हुने आशामा मैदान छाडेका छैनन् । उनीहरु वर्षाबाट बच्न छातामुनि खेलको पर्खाइमा छन् ।
पानी परेपछि र युएई क्रिकेट टोलीको नवौं विकेट खसेपछि त्रिवि क्रिकेट मैदान फेरि तिरपालले ढाकिएको थियो । चुनौतीपूर्ण अवस्थाका बाबजुद पनि टोलीले २७.३ ओभरमा ९ विकेट गुमाएर १०६ रन बनाउन सफल भयो ।
Published Date: 01 May 2023
