काठमाडौं, वैशाख १८ । नागरिक लगानी कोषको खुद नाफामा वृद्धि भएको छ ।
चालु आर्थिक वर्षको तेस्रो त्रैमाससम्ममा कोषले ७७ करोड ७९ लाख रुपैयाँ खुद नाफा कमाएको छ । जुन गत वर्षको यसै अवधिमा कमाएको ६१ करोड ६६ लाख रुपैयाँ भन्दा २६.१४% धेरै हो । सीआइटीको ब्याज आम्दानीका साथै सेवा शुल्क तथा कमिसन आम्दानी र विविध आम्दानीमा सुधार भएपछि खुद नाफा वृद्धि भएको देखिन्छ ।
ब्याज आम्दानी १४ करोड ७५ लाख रुपैयाँबाट बढेर ३० करोड ५० लाख रुपैयाँ पुगेको छ । यस्तै, सेवा शुल्क तथा कमिसन आम्दानी ८८ करोड रुपैयाँबाट बढेर ९३ करोड ५० लाख रुपैयाँ पुगेको छ ।
हाल नागरिक लगानी कोषको सेयर पुँजीमा ४ अर्ब २५ करोड १० लाख रुपैयाँ रहेको छ । सेयर प्रिमियम भने गत वर्षको भन्दा घटेर २८ करोड ३८ लाख ७८ हजार रुपैयाँमा आएको छ ।
