भक्तपुर, बैशाख १७ । ख्वप अस्पतालमा आजबाट प्रसुती सेवा सुरु गर्ने उद्घोष गरेको छ । ख्वप अस्पताल सञ्चालनको दोस्रो वार्षिक कार्यक्रममा भक्तपुर नपाका प्रमुख सुनिल प्रजापतिले उक्त कुरा उद्घोष गरेको हो ।
प्रमुख प्रजापतिले स्वास्थ्य क्षेत्रमा कार्यरत चिकित्सक तथा कर्मचारीहरुले संवेदनशील ढंगले आफ्नो जिम्मेवारी निर्वाह गर्नुपर्ने बताउदै ख्वप अस्पताल नाफाको लागि नभई जनताको निःस्वार्थ सेवा गर्ने उद्देश्यले स्थापित जनताको अस्पतालको रुपमा सञ्चालन हुने बताए ।
उनले जनस्वास्थ्य केन्द्र हुदै हाल १०० शैय्याको ख्वप अस्पतालको रुपमा सञ्चालन हुनु आफैमा एउटा ठूलो उपलब्धी भएको बताउदै ख्वप अस्पतालले आजबाट प्रसुती सेवा सुरु गर्ने बताए ।
संकटको बेला जनता आफै अग्रसर भएर सहयोग गर्नु आफैमा राम्रो उदाहरण बनेको बताउदै उनले ख्वप अस्पताललाई सुविधा सम्पन्न बनाउन आवश्यक जनशक्ति र उपकरणहरु थप्दै लैजाने बताए ।
