काठमाडौं, चैत २८ । स्वास्थ्य तथा जनसङ्ख्या मन्त्रालयले कोरोना भाइरस सङ्क्रमणको बढ्दो सङ्क्रमणलाई मध्यनजर गर्दै सचेत र सजग रहन सबैमा अपिल गरेको छ । संक्रमणको संख्या अझै केही दिन बढ्न सक्ने भएकाले थप सतर्कता अपरिहार्य छ ।
स्वास्थ्य मन्त्रालयका सहप्रवक्ता डा समिरकुमार अधिकारीले अहिलेको अवस्थाले केही दिन सङ्क्रमण थप फैलिने सङ्केत दिएको जानकारी दिँदै जनस्वास्थ्य नियमावलीलाई सबैले पालना गर्नुपर्ने बताए ।
सबैलाई कोरोनाभाइरस विरुद्ध खोप लिन सिफारिस गरिएको छ। भाइरस ग्राफ केही दिनको लागि माथिल्लो प्रवृत्तिमा छ। सोमबार मात्रै मन्त्रालयले २ हजार ५ सय ६६ परीक्षणमा १२४ जनामा संक्रमण पुष्टि गरेको हो ।
त्यस्तै, एकै दिन २९ जना कोरोनाबाट निको भएका छन् । सक्रिय संक्रमितको संख्या ४४४ पुगेको छ । काठमाडौं उपत्यकामा २१ जना आइसोलेसनमा छन् भने १० जनाको आईसीयूमा उपचार भइरहेको छ ।
छिमेकी देश भारतमा ओमिक्रोनको नयाँ संस्करण हालै फैलिएको छ। नेपालमा शून्यमा झरेको संक्रमण अहिले खुला सिमानाका कारण बढेको छ ।