मोरङ, चैत २३ । मोरङ जिल्लामा माध्यमिक शिक्षा परीक्षा (एसइई) दिँदै गर्दा सयभन्दा बढी नक्कली परीक्षार्थी पक्राउ परेका छन् । परीक्षा अनुगमन टोलीले आज विभिन्न परीक्षा केन्द्रबाट अरुको परीक्षा दिने ११६ जनालाई पक्राउ गरेको छ ।
जिल्ला प्रहरी कार्यालय मोरङका प्रहरी उपरीक्षक दीपक पोखरेलका अनुसार अनुगमन टोलीले केराबारी, ग्रन्थाम र हरैंचास्थित परीक्षा केन्द्रबाट उनीहरुलाई पक्राउ गरेको हो । ठगी गर्नेमाथि अनुसन्धान भइरहेको उनले बताए ।
एसपी पोखरेलका अनुसार सरस्वती मावि ग्रन्थामबाट ५२ जना, सार्वजनिक मावि केराबारीबाट ४४ जना र जनता मावि सुन्दरहरैंचाबाट २० जनालाई पक्राउ गरिएको छ । एसपी पोखरेलले नक्कली परीक्षार्थीमाथि आवश्यक अनुसन्धान गरी कानुनी प्रक्रिया अगाडि बढाइने बताए ।
Published Date: 06 April 2023
