काठमाडौँ, चैत २२ । नेपाल आयल निगमले हवाई इन्धनको मूल्य घटाएको छ । निगमले हवाई इन्धनको मूल्य प्रतिलिटर १० रुपैयाँ घटाएको हो ।
हवाई भाडा परिमार्जनसँगै काठमाडौंदेखि धनगढीको हवाई भाडामा ४ सय ४० रुपैयाँ घटेको छ । अहिले हवाई भाडा रु ७,०७० लाग्छ। यसअघि ७ हजार ५१० रुपैयाँ थियो । त्यस्तै, पर्वतीय उडानको नयाँ भाडा रु ५ हजार ४९० तोकिएको छ । काठमाडौंबाट सञ्चालन हुने उडानको भाडामा ३ सय ४५ रुपैयाँ घटाइएको छ ।
त्यसैगरी काठमाडौं–भद्रपुरको हवाई भाडामा ३ सय, काठमाडौं–विराटनगर २ सय ४०, काठमाडौं–जनकपुर १३० रुपैयाँ, काठमाडौं–पोखरा १ सय ५५ रुपैयाँ, काठमाडौं–भरतपुर १ सय १०, काठमाडौं–भैरहवा ५ रुपैयाँले घटाइएको छ । नेपालगन्जबाट रु १८५ र काठमाडौँदेखि सुर्खेत रु ३ सय ४५ भाडादरमा छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
