काठमाडौं, चैत २० । नेपालमा कोरोना भाइरसबाट संक्रमित हुनेहरुको संख्या दिनप्रति दिन बढ्न थालेको छ । स्वास्थ्य तथा जनसंख्या मन्त्रालयले सोमबार अद्यावधिक गरेको तथ्यांक अनुसार अहिले नेपालमा कोरोना भाइरसका सक्रिय संक्रमितको संख्या २२७ पुगेको छ ।
पछिल्लो २४ घण्टामै ७६ जना नयाँ संक्रमित थपिएका हुन् । ११ सय ५१ जनाको परीक्षण गर्दा यो संख्यामा संक्रमितहरु थपिएको मन्त्रालयले जनाएको छ ।
यी मध्ये ३ सय ४५ जनाको पीसीआर गर्दा ४९ जनामा संक्रमण पुष्टि भएको हो भने ८०६ जनाको एन्टीजेन परीक्षण गर्दा २७ जनामा संक्रमण पुष्टि भएको हो ।
यो अवधिमा १६ जना संक्रमणमुक्त भएका छन् । पछिल्लो २४ घण्टामा नेपालमा २८ हजार ७ सय ३ जनाले कोरोनाविरुद्धको खोप लगाएको पनि मनत्रालयले जनाएको छ ।
Published Date: 03 April 2023
