काठमाडौँ, चैत १७ । प्रधानमन्त्री थ्री नेसन्स कपको फाइनलमा नेपालले लाओसको सामना गर्दैछ । दशरथ रंगशालामा साँझ ५:३० बजे सुरु हुने खेलका लागि प्रशिक्षक भिन्सेन्जो अल्बर्टो अनेसेले पछिल्लो खेलबाट ३ खेलाडी परिवर्तन गरेका छन् ।
पहेंलो कार्डका कारण प्रतिबन्धमा रहेका पुजन उपरकोटीको स्थानमा मणि लामा सुरुवात गर्दैछन् । त्यस्तै भुटानविरुद्ध गोल गरेका दिपक राज सिंह ठकुरीले नवयुग श्रेष्ठको स्थान लिएका छन् । त्यस्तै घाइते अन्जन विष्टको स्थानमा मनिष डाँगी सुरुवात गर्दैछन् ।
यसबाहेक टोलीमा डिफेन्समा कुनै परिवर्तन छैन । गोलरक्षक किरण चेम्जोङसँगै रोहित चन्द, अनन्त तामाङ, सनिश श्रेष्ठ र विकास खवासले डिफेन्स सम्हाल्नेछन् । मिडफिल्डमा मणिसँगै नविन लामा र एरिक विष्ट नियमित छन् । दिपक र मनिषसँगै आयुष घलानले आक्रमण सम्हाल्नेछन् ।