काठमाडौं, चैत १७ । नवनियुक्त अर्थमन्त्री डा प्रकाशशरण महतले आर्थिक संकटबाट बाहिर निस्कन राज्यको सम्पूर्ण संयन्त्र लाग्ने बताएका छन् । शुक्रबार पद तथा गोपनियताको सपथ ग्रहणपछि पदभार ग्रहण गर्दै उनले यस्तो धारणा राखेका हुन् ।
पदभार सम्हालेपछि सञ्चारकर्मीलाई संक्षिप्त प्रतिक्रिया दिँदै उनले संकटग्रस्त अर्थतन्त्रलाई सुधार्न आफूले कुनै कसर बाँकी नराख्ने दाबी गरे ।
‘अर्थतन्त्रको समस्याबाट बाहिर निस्कन सिंगो राज्य व्यवस्था लाग्ने छ,’ उनले भने, ‘अर्थतन्त्रलाई जोगाउन हामी कुनै कसर बाँकी राख्दैनौँ ।
उनले सरकारले सामान्य खर्चलाई प्राथमिकता दिएर मात्रै खर्च गर्ने बताए ।
Published Date: 31 March 2023
