काठमाडौं, चैत १३ । भारतको सेयर बजार पुँजीकरण ९ महिनापछि पुनः ३० खर्ब डलर तल आएको छ । पछिल्लो समय अमेरिकी बैंकिङ प्रणालीमा आएको समस्याले विश्वव्यापी रूप लिँदा भारतीय सेयर बजार पनि प्रभावित बन्न पुगेको हो ।
यसअघि, सन् २०२२ जुन २३ मा भारतीय सेयर बजार पुँजीकरण ३० खर्ब डलरमा झरेको थियो । त्यसपछि क्रमशः सुधार भएको बजार पुँजीकरण पुनः घटेको हो ।
गत नोभेम्बरमा भारतीय सेयर बजार पुँजीकरण ३५ खर्ब डलर पुगेको थियो । डिसेम्बरयता, सेयर बजार सूचक ‘निफ्टी ५०’ १,८२९ अंक अर्थात् ९.७२% र सेन्सेक्स ५,७०४ अंक अर्थात ९% ले घटेका छन् ।
अमेरिकी सर्ट सेलर हिन्डेनबर्गले अडानी समूह विरुद्ध रिपोर्ट सार्वजनिक गरेपछि भारतीय सेयर बजार पुँजीकरण प्रभावित बन्न थालेको थियो । यसबीच, भारतसँगै विश्वभरको सेयर बजार बैंकिङ संकटका कारण प्रभावित भयो ।
यससँगै, सबैभन्दा धेरै सेयर बजार पुँजीकरण भएका देशहरुमध्ये भारत पाँचौं स्थानबाट झरेर छैटौं स्थानमा आएको छ ।
Published Date: 27 March 2023
