काठमाडौं, चैत १३ । काठमाडौं महानगरपालिकाका मेयर बालेन्द्र शाहविरुद्ध सोमबार राजधानीमा आन्दोलनकारीले प्रदर्शन गरेका छन् ।
मेयर शाहको गैरकानुनी र असंवैधानिक प्रयासको विरोधमा आन्दोलनरत सुकुम्बासीले बस्नेश्वरदेखि माइतीघर मण्डलासम्म र्याली निकालेका थिए ।
संयुक्त राष्ट्रिय सुकुम्बासी मोर्चा नेपालका अध्यक्ष कुमार कार्कीले मेयर शाहले उनीहरुलाई हटाउन खोजेको विरोधमा प्रदर्शन गरिएको बताए । उनले कामनपाका पदाधिकारीले प्रचलित कानुन र संविधानविपरीत आश्रयस्थलको वैकल्पिक व्यवस्था नगरी निष्कासन गरेको आरोप लगाए ।
आन्दोलनरत सुकुम्बासीले मेयर शाहविरुद्ध कडा नाराबाजी गरेका थिए । उनीहरुले विगतमा आन्दोलनका क्रममा पक्राउ परेका भूमि कार्यकर्तालाई निःशर्त रिहा गर्न र आफूमाथि परेका ‘झुटा मुद्दा’ फिर्ता लिन पनि माग गरेका छन् ।
Published Date: 27 March 2023
