काठमाडौं, चैत ७ । राष्ट्रपति रामचन्द्र पौडेलले मुलुकमा भएको राजनीतिक परिवर्तनको प्रभाव प्रत्येक नागरिकलाई महसुस गराउन महत्वपूर्ण प्रयास हुनुपर्ने बताए ।
राष्ट्रपति कार्यालय शीतल निवासमा आज सामाजिक लोकतन्त्र अध्ययन केन्द्र, काठमाडौंका प्रतिनिधिसँगको भेटमा उनले ग्रामीण तथा विपन्न समुदायका लागि न्याय र आयआर्जनका अवसर सुनिश्चित गर्दै काम गर्नुपर्नेमा जोड दिए ।
राष्ट्रपतिले नेपाली समाज, संघसंस्था र राजनीतिक दललाई थप लोकतन्त्रीकरणका लागि भूमिका खेल्न केन्द्रलाई आग्रह गरेका थिए ।
प्रतिनिधिमण्डलले राष्ट्रपतिलाई अभिनन्दन पत्र बुझाउने क्रममा केन्द्रका अध्यक्ष मधु आचार्यले पौडेललाई अध्यक्षमा निर्वाचित भएकोमा बधाई दिँदै सफल कार्यकालको कामना गरेका थिए ।
Published Date: 21 March 2023
