काठमाडौँ, चैत ४ । सांसद एकनाथ ढकालले अस्ट्रेलियाका पूर्वप्रधानमन्त्री स्कट मोरिसनसँग बिहीबार अस्ट्रेलियाको सिड्नीमा भेट गरेका छन् ।
दुई सांसदबीच आपसी हित र साझा क्षेत्रीय तथा अन्तर्राष्ट्रिय समस्या समाधानका लागि दुई देशबीचको साझेदारीका विषयमा छलफल भएको ढकालको सचिवालयले जनाएको छ । लिबरल पार्टीका नेता, मोरिसनले २०१८ – २०२२ सम्म अष्ट्रेलियाको प्रधानमन्त्रीको रूपमा सेवा गरे। हाल, उनि संसद सदस्यको रूपमा सेवा गर्दै छ ।
नेपाल परिवार पार्टीका अध्यक्ष तथा पूर्वमन्त्री समेत रहेका ढकालले अष्ट्रेलियाको दुईदिने बसाइका क्रममा लेबर पार्टीका सांसदहरु लिन्डा भोल्ट्ज र एन्थोनी डिआडमलगायतसँग भेट गरी पार्टीलाई थप सुदृढ बनाउने र नेपाल र अष्ट्रेलियाबीचको जनस्तरको सम्बन्ध विषयमा छलफल गरेका थिए ।
उपराष्ट्रपतिको निर्वाचनमा भोट हाल्नु परेपछि सांसद ढकाल शुक्रबार स्वदेश फर्किएका छन् ।
Published Date: 18 March 2023
