काठमाडौं, चैत्र ३ । उपराष्ट्रपति पदका लागि आज शुक्रबार मतदान हुने भएको छ ।
मुलुकमा उपराष्ट्रपतिका लागि निर्वाचन हुन लागेको यो चौथोपटक हो । राजधानीको बानेश्वरस्थित संघीय संसद् परिसरमा हुने मतदानका लागि निर्वाचन अधिकृतको कार्यालय गर्नुपर्ने सम्पूर्ण तयारी पूरा भएको निर्वाचन आयोगका प्रवक्ता शालिग्राम शर्मा पौडेलले बताउनुभयो ।
आयोगले मतदानका दिन बिहान १० बजेदेखि दिउँसो ३ बजेसम्म मतदानमा सहभागी भई स्वविवेक प्रयोग गरी मतदान गर्न आग्रह गरेको छ । उपराष्ट्रपति निर्वाचनका लागि प्रतिनिधिसभा, राष्ट्रिय सभाका ३ सय ३१ र सातवटै प्रदेशसभा ५ सय ५० गरी ८ सय ८१ जना कुल मतदाता रहेका छन् ।
Published Date: 17 March 2023
