काठमाडौं, फागुन २१ । नेपाली क्रिकेट टोलीका ओपनर कुशल भुर्तेलले आइसिसी विश्वकप लिग २ अन्तर्गत घरेलु टोली युएई सँगको खेल गुमाउने भएका छन् । बायाँ खुट्टाको ग्रोइन समस्या पुन बल्झिएपछि कुशलले युएई भ्रमणमा अन्तिम खेल गुमाउने नेपाल क्रिकेट संघ (क्यान) ले जनाएको छ ।
कुशलले गत बुधबार ग्रोइन समस्याको कारण टोलीको अभ्यास गरेका थिएनन् । त्यसपछि कुशल बिहीबार युएईसँग पाँच र पपुवा न्युगिनीसँग रोयल डक आउट भएका थिए । पूर्ण रुपमा फिट नभएपनि उनले खेल्ने प्रयास गरेका थिए । तर सफल हुन सकेनन् । कुशलले पहिलो खेलमा पपुवा न्युगिनीविरुद्ध ५५ रनको इनिङ खेल्दै प्लेयर अफ द म्याच चुनिएका थिए ।
कुशलको स्थान सन्दीप जोराले लिने भएका छन् । सन्दीप जोरा नेपाली टोलीमै भएपनि अन्तिम १४ जना खेलाडीको सुचिमा थिएनन् । कुशलले दुई साता अघि नामिबियालाई हराउन १ सय १५ रनको शतकीय इनिङ खेलेका थिए ।
