काठमाडौँ, फागुन १३ । राष्ट्रिय प्रजातन्त्र पार्टी (राप्रपा) सरकारबाट बाहिरिएको छ । आज शनिवार बिहान बसेको केन्द्रीय कार्य सम्पादन समिति र संसदीय दलको संयुक्त बैठकले सरकारबाट बाहिरिने र समर्थनसमेत फिर्ता लिने निर्णय गरेको एक बिज्ञप्ति बाट जानकारी गराएको हो ।
विज्ञप्ति प्रकाशन गर्दै सत्ता सहकार्यमा भएको आकस्मिक परिवर्तन भई मुलुक पुन सत्ता केन्द्रित अस्थिरतातर्फ धकेलिएको भन्दै सरकारबाट बाहिरिएको राप्रपाले जनाएको छ । विज्ञप्तिमा पार्टीले हाल देखिएको सत्ता परिवर्तनको प्रवृत्ति र प्रक्रिया वर्तमान संविधानको संरचनामा निहित अस्थिरताको स्वाभाविक चरित्र भएको जनाएको छ ।
साथै प्रदेश सरकारमा पनि यस सम्बन्धि दृष्टिकोण भएकोले प्रदेश सरकारलाई दिएको समर्थन फिर्ता लिने र प्रदेश सरकार बाट समेत बाहिरिने निर्णय गरेको जनाएको छ।
.
यो खबर पढेर तपाईलाई कस्तो महसुस भयो ?
+1
+1
+1
+1
+1
