काठमाडौँ, चैत ९ । ‘हो ! हामी क्षयरोग अन्त्य गर्छौंः राष्ट्रिय अभियान, हाम्रो योगदान’ भन्ने नाराका साथ आज विश्व क्षयरोग दिवस मनाइँदैछ। हरेक वर्ष मार्च २४ मा मनाइने यस दिवसको उद्देश्य क्षयरोग नियन्त्रणका लागि जनचेतना फैलाउनु हो।
सन् २०३५ सम्म क्षयरोग अन्त्य र २०५० सम्म क्षयरोगमुक्त नेपाल बनाउने लक्ष्यसहित विभिन्न कार्यक्रम आयोजना गरिँदैछन्। स्वास्थ्य तथा जनसंख्या मन्त्रालयले स्थानीय तहलाई पनि सक्रिय सहभागिताका लागि आग्रह गरेको छ।
विश्व स्वास्थ्य संगठनका अनुसार सन् २०२४ मा नेपालमा करिब ६७ हजार नयाँ बिरामी फेला परेका छन्। देशभर निःशुल्क परीक्षण र उपचार सेवा उपलब्ध रहेको मन्त्रालयले जनाएको छ।
तीन हप्ताभन्दा बढी खोकी लाग्ने, खकारमा रगत देखिने, तौल घट्ने जस्ता लक्षण देखिएमा तुरुन्त स्वास्थ्य जाँच गराउन आग्रह गरिएको छ। नियमित औषधि सेवनले क्षयरोग निको हुने भएकाले समयमै उपचार र सचेतना आवश्यक रहेको बताइएको छ।
Published Date: 24 March 2026
