काठमाडौँ, चैत १० । मोरङ र झापाका विभिन्न क्षेत्रमा कुखुरामा लाग्ने संक्रामक रोग बर्डफ्लू फैलिन थालेको छ। सुन्दरहरैंचा र उर्लाबारीपछि झापाको दमक तथा झापा गाउँपालिका र मोरङको विराटनगरमा समेत संक्रमण पुष्टि भएको हो।
दमक–१० स्थित एक फार्ममा कुखुरा मर्न थालेपछि गरिएको परीक्षणमा घातक बर्डफ्लू देखिएको हो। नमूना काठमाडौँस्थित केन्द्रीय प्रयोगशालाबाट समेत पुष्टि गरिएको छ।
हालसम्म मोरङका पाँच वटा पोल्ट्री फार्ममा संक्रमण देखिएको छ। कोशी प्रदेश सरकारले र्यापिड रेस्पोन्स टोली परिचालन गरी प्रभावित क्षेत्रमा निगरानी र नियन्त्रणका काम अघि बढाएको छ।
संक्रमण नियन्त्रणका लागि संक्रमित कुखुरा, अण्डा तथा सम्बन्धित सामग्री नष्ट गरिने जनाइएको छ।
Published Date: 24 March 2026
