काठमाडौँ, माघ २७ । सेयरबजार परिसूचक नेप्से लगातार तेस्रो दिन पनि घटेको छ । आज मंगलबार नेप्से १०.२५ अंकले घटेर २ हजार ६६२.१४ विन्दुमा कायम भएको हो । आज सेयरबजारमा ३२४ कम्पनीका सेयर कारोबार भएका छन् । यी मध्ये ७४ कम्पनीका सेयरमूल्य बढेका छन् भने १७९ कम्पनीका सेयरमूल्यमा गिरावट आएको छ ।
आज कुल २ करोड १७ लाख १५ हजार ८६८ कित्ता सेयर ८ अर्ब ६१ करोड ६४ लाख १० हजार रुपैयाँमा किनबेच भएको छ । आज सेयरबजारमा सूचीकृत समूहगत परिसूचकमध्ये म्युचुअल फण्ड तथा व्यापार समूहको परिसूचक मात्रै बढेको छ । अन्य बाँकी सबै समूहका परिसूचक ओरालो लागेका छन् ।
सबैभन्दा धेरै विकास बैंक समूहको परिसूचक १.१५ प्रतिशतले घटेको छ । कालिञ्चोक दर्शन लिमिटेड, अरुण भ्याली हाइड्रोपावर डेभलपमेन्ट लिमिटेड तथा राष्ट्रिय वाणिज्य बैंकको म्युचुअल फण्डमा लगानीकर्ताले सबैभन्दा बढी कमाएका छन् । सबैभन्दा बढी गुमाउनेमा भने कर्पोरेट डेभलपमेन्ट बैंक, माइखोला हाइड्रोपावर लिमिटेड तथा घलेम्दी हाइड्रो लिमिटेडका सेयरधनी रहेका छन् ।
Published Date: 10 February 2026
